Rebranding

20/01/2019 | Berria

Bada denboraldi bat hausnarketa-prozesua abiarazi genuela, helburu hartuta markari bere jarrera helarazteko gaitasuna itzultzea, 38 urteotan bildu dugun balioaren mailan egongo diren diskurtsoa, kontakizuna eta irudia eraikiz.

Bada, egin dugun bidean, sortu diren galdera, ideia eta aukerak mundu bat osatzen joan dira, DRUCK Faktoria Grafika kontzeptuan laburbildu ditugun marka-balioak ezaugarri nagusitzat dituen mundua, alegia.

Faktoria Grafika da, hain zuzen ere, guztiari eusten dion zutabea. Gure iragana hobekien kontatzen eta etorkizuna proiektatzen duen kontzeptua.

Marka sendoa, moldakorra eta berezko izaera duena. Eskerrik asko @estudiohusmee gure marka-unibertsoa sortzen laguntzeagatik.

Rebranding, Marca

https://vimeo.com/312108914

«Ezina ekinez egina» da faktorian gure jarduera gidatzen duen lema eta egunez egun erronkei aurre egitera bultzatzen gaituen indarra. Gure araua argia da: ezinezkoa dena posible egitea.

Komunikazio bisualeko euskarriak neurrira sortzen ditugu. Taldean, kemenarekin eta grinarekin.

Teknologien aldeko apustua gure jardueraren akuiluetako bat bada ere, artisau-lana funtsezkoa da. Kontu handiz zaintzen ditugu xehetasun guztiak, koloreen, formen eta testuren definizioan arreta jarriz.

38 urteko esperientziaren emaitza da DRUCK, eta inoiz baino indar eta zentzu handiagoa hartzen du gaur. Prest gaude etorkizuneko aukerei arrakastaz aurre egiteko.