1
2
3
4
5
6
7
8
9
10
11
12
13
14
Faktoria Grafika

Kalitatezko inprimaketa jasangarria barrualdeak dekoratzeko

06/02/2025 | Berrikuntza, Inbertsioa, Eko-konpromisoa

Markek esperientzia murgiltzaile, koherente eta bateratua lehenesten dute beren harreman-puntu guztietan: bulego korporatiboetan, denda fisikoetan, showroometan, ekitaldietan, erakusketetan… Espazio horiek esperientzia-eredu baterantz eboluzionatzen ari dira. Eredu horretan, barrualdeen dekorazioak funtsezko zeregina du, eta konponbide espezifikoak behar ditu.

 

Zein joera daude gaur egun barrualdeen inprimaketan?

1.Inprimaketa-kalitatea

  • Zehaztasunik handiena koloreen eta testuren erreprodukzioan.
  • Akabera uniformeak eta definituak.
  • Usainik gabeko inprimaketak, gune itxietarako seguruak.

2.Pertsonalizatzea eta bereiztea

  • Markaren identitate bisualaren irudikapen leiala.
  • Hormen, beirateen eta zoruen pertsonalizazioa.
  • Testura eta akabera bereziak aplikatzea: zura, belusatua, metalizatua, erliebea, larruazal-efektua edo mate zeta-antzekoa.

3.Inprimaketa-jasangarritasuna  

  • PVCrik gabeko euskarriak, binilo ekologikoak eta ehun jasangarriak erabiltzea.
  • Tinta-kontsumo txikiagoa eta hondakinen murrizketa.
  • Energia-efizientzia eta ingurumen-inpaktuaren murrizketa.

 

UVgel teknologia

Merkatuaren joerekin bat egiteko eta premia horiei erantzuteko, DRUCKen formatu handiko inprimaketako UVgel teknologia erabiltzen dugu, kalitate, moldakortasun eta jasangarritasun handiagoa eskaintzeko aukera ematen diguna. Zer abantaila ditu?

  • Kolore biziagoak eta intentsitate handiko beltzak, erreprodukzio garbi eta uniformearekin.
  • Akabera mateak eta distiratsuak inprimaketa berean, elementu grafikoak nabarmentzeko eta efektu bisual zirraragarriak sortzeko.
  • Erresistentzia handia urratuen, produktu kimikoen eta hezetasunaren aurka, gehiago irautea bermatzeko.
  • Tinta-kontsumoa % 40 txikiagoa eta konposatu organiko lurrunkorren (KOL) gutxieneko emisioa; horri esker, ekologikoa da.
  • Tenperatura baxuko eta kontsumo txikiko LED ontzea, energia-efizientzia optimizatuz.
  • Usainik gabeko inprimaketak eta ziurtagiri ekologikoak dituztenak (GREENGUARD Gold, AgBB eta ASTM II. mota), barrualdeetako segurtasuna bermatuz.

 

Hemen dituzu barrualdeak seinaleztatzeko eta dekoratzeko egin ditugun proiektuetako batzuk.

Gure webgunean, gure cookieak eta hirugarrenenak erabiltzen ditugu, berriro bisitatzen gaituzunean zerbitzu hobea emateko. Gure webgunean nabigatuz gero, haiek erabiltzea onartzen ari zara. Hemen duzu gure cookie-politikari buruzko informazio guztia

Onartu

Druck Manifiesto

«Ezina ekinez egina» da faktorian gure jarduera gidatzen duen lema eta egunez egun erronkei aurre egitera bultzatzen gaituen indarra. Gure araua argia da: ezinezkoa dena posible egitea.

Komunikazio bisualeko euskarriak neurrira sortzen ditugu. Taldean, kemenarekin eta grinarekin.

Teknologien aldeko apustua gure jardueraren akuiluetako bat bada ere, artisau-lana funtsezkoa da. Kontu handiz zaintzen ditugu xehetasun guztiak, koloreen, formen eta testuren definizioan arreta jarriz.

38 urteko esperientziaren emaitza da DRUCK, eta inoiz baino indar eta zentzu handiagoa hartzen du gaur. Prest gaude etorkizuneko aukerei arrakastaz aurre egiteko.