“Etorkizuna Eraikiz” kapsula
30/07/2021 | Proiektua
Aurten, Gipuzkoako Foru Aldundiaren “Etorkizuna Eraikiz” kanpaina iritsi da, herritarrak lurraldearen etorkizunari buruz gogoeta egitera eta harekin konpromisoa hartzera bultzatzeko, proposamenak eta gogoetak bilduz.
Horretarako, denboraren kapsula bat egiteko erronka bota digute, tunel formako egitura sendo bat. Kapsulak, 3 x 3 x 4 metroko tamainakoa, beltzez lakatutako burdinazko oinarria du, eta aluminiozko bastidoreekin estalita dago; bastidoreak perimetroko silikonaren sistemaren bidez lotutako ehun inprimatuarekin bilduta daude. Aire zabalean egoteko pentsatu da, luze irautekoa eta erresistentzia handikoa, eta ibiltaria izateko fabrikatua. Euskarria muntatzea eta desmuntatzea erraza denez, egitura puntu batetik bestera eraman daiteke ordu gutxitan. Kapsulak bira bat egingo du Gipuzkoako hainbat eskualdetan (Donostia, Arrasate, Irun, Beasain, Eibar, Zarautz, Tolosa eta Errenteria) , eta egun oso batez egongo da leku bakoitzean.
Proiektuaren helburua sartzen den pertsonak gaur egungo Gipuzkoak dituen ezaugarriak irakurtzea da, 2040ko Gipuzkoak mantendu beharko lituzkeen balioez hitz egitea bere kezkak eta nahiak ezagutzeko, Gipuzkoako Foru Aldundiak etorkizunari nola erantzuten dion kontatzea, eta, azkenik, etorkizuna eraikitzeko bere konpromisoa idazteko eskatzea.
Eskerrik asko TheNiu agentziari gugan konfiantza izateagatik eta sorkuntza honetan laguntzeko aukeratu gaituelako. Zalantzarik gabe, erronka zaila izan da, eta arrakasta handiz heltzea lortu dugu.
